ആരാണ് ഗണപതി?

  ക്ഷിപ്രപ്രസാദിയായ ഭഗവാനാണ് ഗണതി.മനസ്സറിഞ്ഞ് ഭഗവാനെ വിളിച്ചാൽ ഗണപതി ഭഗവാൻ ഒരിക്കലും കൈവെടിയുകയില്ല. ഗണ എന്നാൽ പവിത്രകമെന്നും പതിയെന്നാൽ സ്വാമിയെന്നും. ചൈതന്യത്തെ കാത്തുരക്ഷിക്കുന്നവൻ എന്നും അറിയപ്പെടുന്നു. ജീവിതത്തിൽ ഏതു പ്രതിസന്ധി ഘട്ടങ്ങളെയും അതിജീവിക്കാൻ ഗണപതി പൂജകൊണ്ട് സാധിക്കും. വളരെ വേഗത്തിൽ സങ്കടങ്ങൾക്ക് പരിഹാരം തരുന്ന ദേവനാണ് ഗണപതി. ഗണപതി ഭഗവാന് സാധിക്കാത്തതായി ഒന്നുമില്ല. അറിവിന്റെ അഥവാ ജ്ഞാനത്തിന്റെ ദേവനായിട്ടാണ് ഗണപതിയെ പ്രകീർത്തിക്കുന്നത്. ഗണപതി ഭഗവാന്റെ ശരീരഭാഷ ശ്രദ്ധിച്ചിട്ടുണ്ടോ? ഉടലിനു യോജിക്കാത്ത ശിരസും ചെവികളും തുമ്പികൈമുക്കും കുടവയറുമൊക്കെ മനുഷ്യരെ ഒരോ കാര്യങ്ങൾ പഠിപ്പിക്കുന്നുണ്ട്. വലിയ തല- വലുതായി ചിന്തിക്കുക. മനുഷ്യന്റെ ചിന്താശേഷിയെ ഉണർത്തുകയെന്നതാണ്. വലിയ ശ്രദ്ധയുടെ തെളിവാണ് ആ വലിയ ചെവികൾ .ഭഗവാന്റെ ചെറിയ കണ്ണുകൾ ഏകാഗ്രത പഠിപ്പിക്കുന്നു .മനുഷ്യജീവിതത്തിലെ നല്ലതും ചീത്തയുമായ വശങ്ങളെ സൂചിപ്പിക്കുന്നതാണ് ഭഗവാന്റെ കുടവയർ .ഭഗവാന്റെ ചെറിയ വായ് കുറച്ചു സംസാരിക്കുകയെന്നതിനെ സൂചിപ്പിക്കുന്നു. ഏതൊരു ശുഭകാര്യവും തുടങ്ങുന്നതിന് മുമ്പ് ഗണപതി ഭഗവാനെ വന്ദിക്കുന്നത് ഉത്തമാണ്. ഗണപതിക്കു കൊടുക്കുക എന്നു പറയുന്നത് തടസ്സങ്ങൾ കൂടാതെ കാര്യങ്ങൾ നടക്കാനാണ്. ഏല്ലാം മാസവും ജന്മനക്ഷത്രത്തിൽ ഗണപതി ഹോമം നടത്തുന്നത് നാളുകാരന് ഉത്തമാണ്.വീടുകളിൽ പാചകം ചെയ്യുന്നതിന് മുമ്പ് ഒരു ചെറുനാളികേര കഷ്ണം അടുപ്പിൽ ഭഗവാന് സമർപ്പിച്ചു കൊണ്ട് തീ പകരുക. വിഘ്നങ്ങൾ അകറ്റി ദുരിതങ്ങളിൽ നിന്നും കരകയറ്റാൻ ആത്മാർത്ഥമായി ഭഗവാനോടു പ്രാർത്ഥിക്കുക.ഭഗവാന് നാരങ്ങാ മാല വളരെ വിശേഷപ്പെട്ടതാണ്. 18 നാരങ്ങകൾ കോർത്തെടുത്ത മാല മൂന്നു ദിവസം തുടർച്ചയായി ഭഗവാന് സമർപ്പിച്ചാൽ ഫലസിദ്ധി ഉണ്ടാകും. എല്ലാ മാസവും പക്ക പിറന്നാളിനു 3 ദിവസമാ മുന്നേ ഒരോ ദിവസവും നാരങ്ങാ മാല സമർപ്പിച്ച് പക്ക പിറന്നാളിന്റെ അന്ന് മുക്കുറ്റി പുഷ്പാഞ്ലി നടത്തിയാൽ നാളുകാരന് വളരെ ഉത്തമമാണ്. ജീവിത ക്ലേശങ്ങളും തടസങ്ങളുമകറ്റി മനശാന്തിയും സന്തോഷവും പ്രദാനം ചെയ്യാൻ വിഘ്നഹര സ്തോത്രം ജപിക്കുന്നത് ഉത്തമാണ്.

ശുക്ലാംബരധരം വിഷ്ണും, ശശിവര്‍ണ്ണം ചതുര്‍ഭുജം
പ്രസന്നവദനം ധ്യായേത്, സര്‍വവിഘ്നോപശാന്തയേ

പ്രണമ്യ ശിരസാ ദേവം , ഗൌരീപുത്രം വിനായകം

ഭക്ത്യാ വ്യാസം സ്മരേ നിത്യം, ആയു: കാമാര്‍ത്ഥ സിദ്ധയേ

പ്രഥമം വക്രതുണ്ഡം ച, ഏകദന്തം ദ്വിതീയകം

തൃതീയം കൃഷ്ണപിംഗാക്ഷം, ഗജവക്ത്രം ചതുര്‍ത്ഥകം

ലംബോദരം പഞ്ചമം ച, ഷഷ്ഠം വികടമേവ ച

സപ്തമം വിഘ്നരാജം ച, ധൂമ്രവര്‍ണ്ണം തഥാഷ്ടകം

നവമം ഫാലചന്ദ്രം ച, ദശമം തു വിനായകം

ഏകാദശം ഗണപതിം, ദ്വാദശം തു ഗജാനനം

ദ്വാദശൈതാനി നാമാനി, ത്രിസന്ധ്യം യ: പഠേത്‌ നര:

ന ച വിഘ്നഭയം തസ്യ, സര്‍വസിദ്ധികരം ധ്രുവം. ഏതൊരു ദേവനെ ആരാധിച്ചാലും ഗണപതി പ്രീതി ഉണ്ടങ്കിലെ കാര്യങ്ങൾ നടക്കു.പ്രധാന പ്രതിഷ്ഠ മറ്റൊരു ദേവൻ ആണെങ്കിലും ഗണപതി പ്രതിഷ്ഠ ഇല്ലാത്ത ക്ഷേത്രങ്ങൾ ഇല്ല. കറുകമാലഗണപതി ഭഗവാന് ഏറെ പ്രിയപ്പെട്ടതാണ്.ജീവിതത്തിലെ പല തടസ്സങ്ങളും മാറി ഉദ്ദേശിച്ച കാര്യങ്ങൾ നടക്കുന്നതിനും ജീവിതത്തിൽ ഐശ്വര്യം കൊണ്ടുവരുന്നതിനും കറുകമാല സമർപ്പണത്തിലൂടെ സാധിക്കും പഴമാല ഉണ്ണിയപ്പം അട മലർ നെയ്യ് തേങ്ങ ശർക്കര മോദകം കടുംപായസം വെറ്റില ഒക്കെ ഭഗവാന് വിശേഷപ്പെട്ടതാണ്.ഓം ഗം ഗണപതയേ നമഃ ഭഗവാന്റെ മൂലമന്ത്രമാണ് .വിനായക ചതുർത്ഥി നാളിൽ ഗണേശ പൂജ കഴിക്കുന്നത് ദു:ഖങ്ങളിൽ നിന്നു മുക്തി നേടി ആഗ്രഹ സഫലികരണത്തിന് ഉപകരിക്കും. ഭഗവാന്റെ മൂലമന്ത്രം പലതവണ ആവർത്തിക്കുന്നത് നല്ലതാണ്.ഓം വക്രതുണ്ഡായ നമ:
ഓം ഏകദന്തായ നമ:
ഓം കൃഷ്ണപിംഗാക്ഷായ നമ:
ഓം ഗജവക്ത്രായ നമ:
ഓം ലംബോദരായ നമ:
ഓം വികടായ നമ:
ഓം വിഘ്‌നരാജായ നമ:
ഓം ധൂമ്രവര്‍ണ്ണായ നമ:
ഓം ഫാലചന്ദ്രായ നമ:
ഓം വിനായകായ നമ:
ഓം ഗണപതയേ നമ:
ഓം ഗജാനനായനമ: ഈ 12 മന്ത്രങ്ങൾ ഏറെ വിശേഷപ്പെട്ടതാണ് വിനായക ചതുർത്ഥി നാളിൽ തുടങ്ങി 28 ദിവസം ഈ മന്ത്രം ജപിച്ചാൽ ഫലസിദ്ധി ഉണ്ടാവും. ക്ഷിപ്രപ്രസാദിയാണ് ഗണപതി ഭഗവാൻ'ഭഗവാനെ ആത്മാർത്ഥമായി വിളിച്ചാൽ ഭക്തന്റെ മനസ്സ് കാണാതെ ഇരിക്കാൻ ഭഗവാന് കഴിയുകയില്ല.