രാവണൻ

 രാവണൻ എന്ന പേര് കേൾക്കുമ്പോഴേ പത്തു തലയും ലങ്കയും സീതാപഹരണവും രാമ രാവണ യുദ്ധവും ആരുടെയും മനസ്സിൽ ഓർമ്മ വരും അമിതമായ സിദ്ധികൾ കൊണ്ടു അഹങ്കാരവും അതു വഴി അധർമ്മം പ്രവർത്തിച്ചതു കൊണ്ടു മാത്രം വെറുക്കപ്പെട്ട വ്യക്തിത്വം,എന്നാൽ രാവണനെക്കുറിച്ച് അറിഞ്ഞാൽ കുറച്ചു കൗതുകവും അതിലുപരി ബഹുമാനവും വർദ്ധിക്കും അത്രയും ശ്രേഷ്ഠനും ജ്ഞാനിയുമായിരുന്നു അദ്ദേഹം .

വിശ്രവ മഹർഷിയുടെയും കൈകേശിയുടെയും പുത്രനായിരുന്നു ലങ്കയിലാണു ജനനം എന്നും പറയുന്നു '

ബ്രഹ്മദേവനെ പ്രസാദിപ്പിച്ചു; തന്നെ മനുഷ്യൻ അല്ലാതേ മറ്റാരാലും മരണപ്പെടരുത് എന്ന വരം നേടിയിരുന്നു , തൻ്റെ ശിരസ്സു ഓരോ വട്ടവും ഛേദിച്ചു മന്ത്ര സിദ്ധി കൈവരിച്ചു ദശാനനൻ എന്ന പേരു സിദ്ധിച്ചു, കറ കളഞ്ഞ ശിവ ഭകതനായിരുന്നു രാവണൻ ശിവനെ തപസ്സു ചെയ്തു, അവസാനം കൈലാസം വരെ ഉയർത്തി, ശിവൻ തള്ളവിരൽ കൊണ്ടു അമർത്തി അതിനടിയിൽ വർഷങ്ങൾ പെട്ടു,അവിടെ വച്ച് സർവ്വ ശ്രേഷ്ഠമായ ശിവതാണ്ഡവ സ്തോത്രം രചിച്ചു പരമശിവനെ പ്രീതിപ്പെടുത്തി. പരമശിവൻ രാവണനു ആത്മലിംഗം നൽകി

പണ്ഡിതൻമാരിൽ പണ്ഡിതനും ഏഴ് ശാസ്ത്രത്തിലും ചതുർ വേദങ്ങളിലും 64 തന്ത്രങ്ങളിലും അഗ്രഗണ്യനായിരുന്നു രാവണൻ. അതുകൂടാതെ ജ്യോതിഷം, ആയുർവേദം, ഗണിതം, വീണാ എന്നിവയിൽ പ്രാവീണ്യനായിരുന്നു ,സ്വയം രചിച്ച ഒരുപാട് ഉപതന്ത്രങ്ങൾ ഉണ്ടെന്നു പറയുന്നു. കാലാന്തരത്തിൽ പലതും നഷ്ടമായി പരമശിവൻ രാവണനു ഉപദേശിച്ച ഉഡീശ തന്ത്രം, ക്രിയോഡ്ഡീശ തന്ത്രം ഇവ മുഖ്യമാണ് ,( ഉഡ്ഡീശം തന്ത്ര രാജനെന്നാണ് പറയുക.) ഇതിൽ പരമശിവൻ ഷഡ്കർമ്മ വിദ്യകളും ആർദ്രവടി പോലെ അതിമാരകമായ മാരണവിദ്യകൾ ,ശ്മശാനകാളി വിധാനം അതുപോലെ ശത്രുവിനെ നിഷ്പ്രഭമാക്കാനുള്ള പല പ്രയോഗങ്ങളും പ്രതിപാദിക്കുന്നു
ക്രിയാ ഉഡ്ഡീശത്തിൽ ശിവലിംഗ പ്രതിഷ്ഠ മുതൽ കൃത്യ പ്രയോഗം വരെ രാവണനു പരമ ശിവൻ ഉപദേശിച്ചു കൊടുക്കുന്നു അതു പോലെ തന്ത്രാത്മക രാവണ സംഹിതയും, രാവണ സംഹിതയും വിശ്വ പ്രസിദ്ധമാണ്. തന്ത്രാത്മക രാവണ സംഹിതയിൽ അദ്ദേഹം ദശമഹാവിദ്യകളും, ഗുഹ്യ കാളി ,കാമകലാ കാളി തൊട്ടുള്ള തന്ത്രത്തിലെ ശക്തി പ്രധാനമായ എല്ലാ മേഖലയും വിശദമാക്കുന്നു
രാവണ സംഹിതയിൽ ജ്യോതിഷം, വാസ്തു, നിമിത്ത ശാസ്ത്രം എന്നിവ പ്രതിപാദിക്കുന്നു

ഡാമര തന്ത്രത്തിൽ ഇപ്പോൾ കിട്ടുന്നതല്ലാ.. അതിൽ വ്യക്തമായി പറയുന്നുണ്ട് രാവണനു പരമശിവൻ ഉപദ്ദേശിച്ച ചണ്ഡികാ ദേവിയുടെ ഷഡ്കർമ്മ വിധാനം ചണ്ഡികയുടെ നികുംഭിലാ പാഠം തോട്ടു യോഗിനി പാഠം വരെ പരമശിവൻ രാവണനു ഉപദേശിച്ചു,

64 യോഗിനികളിലും, ക്രോധ ഭൈരവ സിദ്ധിയും നവ ഗ്രഹങ്ങളെ ബന്ധിക്കാൻ തന്ത്ര വിധിയും അദ്ദേഹത്തിനറിയാമായിരുന്നു മരണത്തേ ജയിക്കാനുള്ള മൃതസജ്ഞീവനി വിദ്യയും ഹഠയോഗയും സ്വായത്തമാക്കിയിരുന്നു അദ്ദേഹം. രാമ രാവണ യുദ്ധ സമയത്തു ചണ്ഡി പാഠം ചെയ്യ്തപ്പോൾ രഹസ്യത്രയ ഭാഗം വായിക്കാതെ പകുതിയിൽ നിർത്തേണ്ടതായി വന്നു .മണ്ഡാഡരിയേ ഹനുമാനും വാനരപടയും ബന്ധിച്ചു അതു പ്രകാരം ഹവനം മുടങ്ങി, അത്ടു കൂടി അദ്ദേഹത്തിൻ്റെ ശക്തി ക്ഷയത്തിനും അതു മരണത്തിനും കാരണമായി എന്നു പഴയ ഡാമരത്തിൽ പറയപ്പെടുന്നു ,

അയുർവേദത്തിലേ പ്രധാന ഗ്രന്ഥങ്ങളിൽ ഒന്നാണ് രാവണവിരചിതമായ ആർക്ക പ്രകാശം ഒരുപാട് ഔഷധങ്ങളും ചികിത്സാ വിധികളും അദ്ദേഹം അതിൽ പറയുന്നുണ്ട് ഇതല്ലാതെ, രാവണ കുമാര തന്ത്രം ( രാവണ പ്രോക്ത ബാലചികിത്സാ സൂത്രം) എന്ന ഗ്രന്ഥം ശിശു ചികിത്സാ എന്നിവയെ വിശദമായി പ്രതിപാദിക്കുന്നു അതു പോലെ മറ്റൊന്നാണ്, അരുണസംഹിത സൂര്യ ഭഗവാൻ്റെ തേരാളിയായ അരുണൻ രാവണനെ പഠിപ്പിച്ചു കൊടുക്കുന്ന ഇതിൽ ജാതകം, ഹസ്തരേഖ, സാമുദ്രികശാസ്ത്രം എന്നിവയെക്കുറിച്ചു ആധികാരികമായ വിവരണം ഉണ്ട്.

ഇവ കൂടാതെ

ദശ ശതാത്മക
ആർക്ക പ്രകാശം
ദശപഠലാത്ക ഉഡ്ഡീശ തന്ത്രം
കുമാര തന്ത്രം ( അഷ്ട മാതൃകാ പൂജാ,ഗ്രഹ രക്ഷാ)
നാഡീ പരീക്ഷാ ( നാഡി വിജ്ഞാനം)
ഇന്ദ്രജാലം
പ്രാകൃത കാമധേനു
പ്രാകൃത ലങ്കേശ്വരം
ഋഗ്വേദ ഭാഷ്യം
രാവണീയം
രാവണബേധ (സംസ്കൃത വ്യാകരണം)
അംഗപ്രകാശം ഗണിതം
രാവണ ഭാഷ്യം ( സംഖ്യാശാസ്ത്രം )

രാവണൻ ദശമഹാവിദ്യകളുടെ പരമ ഉപാസകനായിരുന്നു. രാവണൻ അദ്ദേഹത്തിൻ്റെ ഓരോ മുഖവും ദശവിദ്യകൾ ഓരോന്നും സിദ്ധി വരുത്തിയിട്ടുള്ള രഹസ്യാത്മക രൂപമാണ്, കാമകലാ, ഗുഹ്യകാളിയുടെയും മഹാ ഉപാസകനായിരുന്നു ,രാവണനാൽ രചിക്കപ്പെട്ട കാമകലാ കാളിയുടെ സ്തോത്രം തന്നെയുണ്ട്, ശ്രീരാമൻ രാവണ യുദ്ധത്തിനു മുമ്പ് കാമകലാ , ഗുഹ്യകാളി എന്നിവരെ ആരാധിച്ചു പ്രത്യക്ഷപ്പെടുത്തി പ്രീതിപ്പെടുത്തിയ ശേഷമാണ് രാവണവധം, രാമായണത്തിൽ രഹസ്യാത്മകമായ പല മന്ത്രങ്ങളും അടങ്ങിയിരിക്കുന്നു, രാവണനെ നിർവീര്യനാക്കാൻ ബഗളാമുഖിയുടെ ബൃഹത് ബാനുമുഖി അസ്ത്രമാണ് ശ്രീരാമൻ അവസാനം പ്രയോഗിച്ചത് ബഗളാമുഖിയുടെ അന്ത്യവിദ്യയാണു ബൃഹത് ബാനുമതി അസ്ത്രം അധവാ ബ്രഹ്മാസ്ത്രം ,

രാവണൻ എപ്പോഴും പറയുന്ന ഒന്നാണു
"ഏകം ദ്വിതീയോ നാസ്തി " എന്നെ പോലെ മറ്റൊരാൾ ഇനി ഇല്ലാ..എന്ന് അത് സത്യവുമാണു

പരമശിവൻ്റെ പരമ ഭക്തനും ശിഷ്യനും,മഹാ വിദ്യകളും, സിദ്ധികളും ഉണ്ടായിരുന്ന പരമജ്ഞാനിയുമായിരുന്നു അദ്ദേഹം , എല്ലാം ഉണ്ടായിട്ടും അദ്ദേഹം വധിക്കപ്പെടാനുള്ള കാരണം സിദ്ധികളിൽ മതി മറന്നു അഹം ഉണർന്നു അധർമ്മം പ്രവർത്തിച്ചു ഇതിൽ നിന്നു മനസ്സിലാക്കാനുള്ളത് ധർമ്മപാതയിൽ കൂടിയേ ഈശ്വരസാക്ഷാത്കാരം ലഭ്യമാവുകയുള്ളു അധർമ്മം പ്രവർത്തിച്ചാൽ ഒരു ശക്തിയും തുണയോടെ വരുന്നതല്ല